التحيه بتقول صلي علي الرسول
الباشا محمد المصري اول وتاني ودشليون
كل صحبه الباشا محمد المصري اول وتاني ودشليون
تحيه خاصه للباشا محمود الحرامي
تحيه خاصه للنجم سيد حسوكه واخوه بهاء ولاعه
يعني تجار اللطش السريع
بنصبح ونمسي علي كل تجار الموبيليا في بر مصر كله
بنصبح ونمسي علي زيكو والبانجي والشرقاوي
بنصبح ونمسي علي قدوس وابو سنه وعلي وعصام وادهم فورمه
بنحيي منبع الادب شبرا وعسل شبرا
وسمعني السلام تلاتات تلاتات من هنا لحد الشلالاااااااااااااااااااااااااات
طبعاً التحيه وصلت واحنا قعدنا نهلل .. كنا قاعدين في فرح من بتوعنا ... عارفينها الافراح دي ؟؟ ... ايوه هي الافراح اللي في شبرا والمطريه والزاويه والحطابه ... الافراح اللي في كل حي من احياء مصر الشعبيه .... وطبعا البرنس عماد بعرور مولعها !!! هيصه هيصه وشاب بيرقص علي ترابيزه والفلوس نازله عليه !! (بصراحه مش عارف نازله عليه علي اي اساس امال لو رقاصه كانت حتنزل عليها ايه ؟؟ .. يا سيدي متدقش اهي نزلت عليه وخلاص
كنا قاعدين في الفرح وقدامنا ترابيزه طبعاً عارفين عليها ايه
لا مش عارفين
لانه مكانش عليها حاجه بطلوا بقي الحاجات اللي في دماغكوا دي إن بعض الظن اثم
احنا كنا رايحين نجامل صاحب الفرح ونباركله وماشيين علي طول
المهم جه المعلم حنفي قام نقط بالنيابه عننا واستاذنا من صاحب الفرح اللي حلف تلاتين طلاق ما نمشي الا اما نتعشي والا حيروح الوليه علي بيت اهلها
وطبعا احنا ميرضناش ان الوليه تطلق يوم فرح ابنها فاضطرينا نتعشي ومشينا بعدها متسندين علي بعض وتقريباً مش سامعين اي حاجه اصل اخر واحد كان بيغني ده صوته كان كله نغم بصراحه
- سيد افندي : الا قولي يا محمد يا مصري الا هو الواد ابو جعوره اللي كان بينشذ ده يبقي اسمه ايه ؟؟
انا : ده الفنان الواعد الصاعد حامد عبده .. ايه ده . هو انت مسمعتش اغنيته المشهوره البانجو ده مش بتاعي والله بريء يا بيه ؟؟
سيد افندي لا والله يابني محصليش القرف
انا : هههههههههههههههههههههههههههههه
رمزي بيه : الا هو الواد تيتو مجاش الفرح ليه ؟؟
المعلم حنفي : قطع وقطعت سيرته جته داهيه فيه وفي اللي خلفته
انا : يا معلم عيب تلاقيه عنده ظروف ولا حاجه
رمزي بيه : ظروف ايه يا مصري هو ده شايل هم حاجه ما تيجي ندور عليه نشوفه متلقح في انهي قهوه
انا : يالا يا سيدي ولو انه خساره في جتته
وبعد عناء ليس بالقليل ولف وتدوير وكثير من الحكمه في البحث مع التدبير عرفنا انه مفيش امل حتي لو عملناله عمل .....فسررنا كل السرور وظننا انه اصيب بانفلونزا الطيور ... وقعدنا علي الرصيف في الشارع ..ننتظر ان يأتي الصايع ...ولما فرغ منا الصبر احتسبنا عند الله الامر ... وانطلق كل منا مهرولاً فالوقت عدي والصباح قريباً آتياً .. فإذا بالسفيه يأتي متسكعاً يتميال كالحنكليس حقاً انه لوغد خسيس .. فبادره المعلم حنفي بالكلام قائلاً تسبقه يده علي قفاه ضارباً
المعلم حنفي : كنت فين يابن الدايخه رجلينا حفيت عليك
تيتو : ( فضل يتهته شويه ) ومكنش مركز
انا : يالا يا جماعه اسندوه الواد شكله سكران طينه الله يقطع سنينه
------------- المهم شلناه وودناه البيت وفوقناه وبعدها قعدنا نتكلم -------------
انا : ايه ياتيتو اللي انت عملته ده ؟؟
تيتو : ايه ياعم هو انا عملت ايه ؟ كنت زعلان شويه ورحت شربتلي كاسين علي حجرين
سيد افندي : وهو كل واحد يزعل شويه يروح يغضب ربنا ويعمل زيك كده
تيتو : واحد قرفان من حياته ومن نفسه عايزه يعمل ايه الازم يسكر علشان ينسي
المعلم حنفي : عندك حق فعلاً في اللي قلته
انا : حق ايه يا معلم انت موافق انه يسكر ويعمل عمايله السودا دي ؟؟
المعلم حنفي : لاء مش قصدي انا قصدي انه عنده حق في انه يقرف من حياته ومن نفسه
رمزي بيه : يابني اللي يبقي مدايق من حاجه يروح الجامع يصلي ركعتين او يستغفر ربنا ويدعي ان ربنا يهديله الحال ولو كل واحدعمل زيك كده يبقي البلد حتخرب وكلها حتمشي بتتطوح سكرانه
سيد افندي : يابني كل واحد عنده هموم اتقل من الجبل بس لازم يكون ايمانك قوي وتستحمل وتدعي ربنا يهديلك نفسك ويفك ضيقتك
رمزي بيه : وبعدين ايه يعني في الدنيا ممكن يزعلك للدرجادي هو ابوك مات يعني
تيتو : ياريت يا رمزي بيه كان اهون
انا : امال ايه يا تيتو اللي حصل ؟؟؟
تيتو : البت شوشو
انا : مالها ؟؟
تيتو : بعتتلي ماسدج قالتلي انا مخاصماك ومش تكلمني تاني يا خاين
طااااااااااااااااااااااااااااااااااااااااااااااااااااااااااااااااااااااااااااااا
ااخ طيييييييييييييييييييييييييييييييييييييييييييييخ بوووووووووووووووووووووووووووم وبعدين طاااااااااااااااااااااخ وبعدها طووووووووووووووووووووووووووووووووووووووووووووووووووووووووووووووووووووووووووووووخ
وبعد كده نقلنا تيتو للعنايه المركزه وسيبناه مرمي في المستشفي وروحنا علشان ننااااااااااااااااااااااااااااااااااام
موضوع: هات الازازه واقعد لاعبني, انا جدع .... هيء a5r thyes 
الإثنين يونيو 04, 2007 5:40 pm
